VISCERA

VISCERA
Graece σπλάγχνα, Veteribus proprie, quidquid inter cutem et ossa, seu quidquid sub corio est, ut ait Servius, ad illud l. 1. Aen. v. 215
Tergora diripiunt costis, et Viscera nudant.
Unde visceratio, ἡ κρεωδαισία, de qua postea: et viscera membra quaelibet, apud Solin. c. 19. ubi Phannesiorum aures adeo dilatari ait, ut viscerum reliqua illis contegant, nec ut amiculum aliud sit, quam ut membra membranis aurium vestiant. Alibi, ubi de Britannis, corpus pingentibus, Inscriptisque visceribus hominis incrementô pigmenti notae crescunt: et de Anthropophagis, quibus exsecrandi sunt cibi humana viscera: Ciceronem item Tusculan, ubi de μαςιγώσει Laconum, sanguis e visceribus defluens, i. e. non ex intestinis, sed ex summo corpore et. Quô sensu Virg. l. 6. Aen. v. 253. ait.
Et solida imponunt taurorum viscera flammis.
Ubi in holocaustis Veter. Carnes immolatarum victimarum concremari solitas tantum, non etiam exta, indigitat, monente Serviô. Postmodum intestinis vox haesit, quae in Haruspicum Schola exta dicta. Unde, postquam sacrificiorum ratio immutata, et exta reddi ac prosecari coeperunt, reliquiis extorum, quae non erant prosecata, partim vescentes, qui sacro intererant; partim honoris ergo, missa, qui non aderant, accipientes, Graecis unô verbô σπλαγχνεύσαςθαι (quô ritus omnis non nun quam comprehensus, quô exta inspiciebantur, probabantur, arae imponebantur, et quae edulio erant comedebantur) dicti: ipsae vero prosiciae extorum σπλάγχνων ἀπαρχαὶ, appellatae sunt: Viscerationem proprie Latini dixêre. Solinus de Hercule sacrificante, c. 2. Etenim cum viscerationem sacricolis daret: i. e. epulum vel convivium, Graece εὐφρασίαν. Quam viscerationem sacri Herculei sic expressit Virg. l. 8. Aen. v. 179. s.
Tunc lecti iuvenes certatim, araeque sacerdos
Viscera tosta ferunt taurorum, onerantque canistris
Dona laboratae, Cereris, Bacchumque ministrant,
Vescitur Aeneas, simul et Troiana iuventus
Perpetui tergo bovis, et lustralibus extis.
Et quidem exta prius mandebant, quam reliquam carnem: unde illud de Pinariis, qui in sacrisicio Herculis cum extis iam adesis ad coeteram venissent dapem, in posterum extorum communione abesse iussi, ad reliquam viscerationem solum admissi sunt, apud Livium, l. 1. c. 7. Plura de voce hac infra, uti de Viscerum quolibet, corde, iecore, pulmonibus etc. suôlocô: de viscerum Praeside, apud Romanos, voce Carna: de fustibus baculisque acumine suô per Viscera et intestina Martyrum adactis, supra voce Virga etc. Quia autem Viscera, misericordiae sedes, inde σπλάγχνα ἐλέους, viscera misericordiae, et σπλαγχνίζεςθαι, misericordiâ commoveri, in Sacris, quam in rem vide Barthium, Adversar. l. 149. c. 11. Indidem Viscera, charitas summa, filius viscerum instar carus, apud Papinium, l. 7. Theb. v. 522.
———— ———— sua credite matri
Viscera ———
Hodieque proin laesae Maiestatis in Anglia reis, adhuc spirantibus, apertô corpore viscera eximuntur, comburunturque, ut hôc
modô, omnem illos in Patriam ac Principem humanitatis affectum penitusexuisse, indigitetur, quo de supplici genere diximus aliquid supra, voce Exenteratio.

Hofmann J. Lexicon universale. 1698.

Synonyms:

Look at other dictionaries:

  • víscera — f. anat. Todo órgano contenido en una cavidad del cuerpo, especialmente los alojados en la cavidad abdominal. Medical Dictionary. 2011 …   Diccionario médico

  • viscera — (n., pl.) inner organs of the body, 1650s, from L. viscera, pl. of viscus internal organ, of unknown origin …   Etymology dictionary

  • víscera — (Del lat. viscĕra). f. Cada uno de los órganos contenidos en las principales cavidades del cuerpo humano y de los animales …   Diccionario de la lengua española

  • Viscera — Vis ce*ra, n., pl. of {Viscus}. [1913 Webster] …   The Collaborative International Dictionary of English

  • Viscĕra — (lat.), Eingeweide. Daher Visceral, zu den Eingeweiden gehörig, dieselben betreffend, Visceralelixir, s. Magenelixir. Visceralklystiere, s.u. Kämpf u. Klystier. Visceralia, Arzneistoffe, welche Stärkung der Unterleibsorgane bewirken, Magenmittel …   Pierer's Universal-Lexikon

  • Viscĕra — (lat.), die Eingeweide; daher viszeral, die Eingeweide betreffend (vgl. Viszeral...) …   Meyers Großes Konversations-Lexikon

  • Viscera — Viscera, lat., das Eingeweide, das Innere; v. l, die Eingeweide betreffend …   Herders Conversations-Lexikon

  • víscera — s. f. 1. Cada um dos órgãos que estão contidos nas cavidades do corpo, como o cérebro, os pulmões, o coração, o fígado, etc. • vísceras s. f. pl. 2. Entranhas. 3.  [Figurado] A parte mais íntima de qualquer coisa …   Dicionário da Língua Portuguesa

  • viscera — ► PLURAL NOUN (sing. viscus) ▪ the internal organs in the main cavities of the body, especially those in the abdomen. ORIGIN Latin, plural of viscus …   English terms dictionary

  • viscera — [vis′ər ə] pl.n. sing. viscus [vis′kəs] [L, pl. of viscus, an inner part of the body] the internal organs of the body, esp. of the thorax and abdomen, as the heart, lungs, liver, kidneys, intestines, etc.; specif., in popular usage, the… …   English World dictionary

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.